الحب الصادق..

من طرف يجرحني زعلها الخميس أكتوبر 09, 2008 8:46 pm

الحب الصادق..

قبل لا تقرونها لازم تعرفون قصه القصيدة.... واحد اسمه

خالد جاه مرض و قالوله ان ايامه معدوده كتب هذه القصيده لصديقه يقول له فيها انه يحب

حبيبته و يبي من خويه هذا انه يخليها تنساه اقروا القصيده والله تستاهل .... وراح تعرفوا

معنى الحب الصادق

وصاتي لك من بعدي ........ تموت فيها علشاني

ابيها تعيش و تحيا بك ........ واظل بالذاكره مفقود

وصاتي لك تنسيها ........ ملامح وجهي و تنساني

وتعزفها قصيدة حب ........ على عكس اللي عزفته بعود

وصاتي لك تبعدها ........ عن اشعاري وقيفاني

تراها مغرمة بالحيل ........ ويشهد لي عدد الردود

وصاتي لك تسايرها ........ ترى فيها من احزاني

طلبتك لايضيق بالك ........ طلبتك والطلب مردود

وصاتي لك تناديها ........ حياتي..عمري..ازماني

انا عودتها دايم ........ ادلعها وانا موجود

وصاتي لك تعاملها ........ بطيبه قلب و احساني

تراها تذرف الدمعه ........ ودمعتها بليٌا حدود

وصاتي لك تحفظها ........ سور وآيات قرآني

وتخبرها عن الميت ........ رحل لايمكنه بيعود

وصاتي لك ترسمها ........ على قبري وأكفاني

ابيها لوحة تبقى ........ على طول الزمن محدود

وصاتي لك تمازحها ........ وتشوف الضحكة بأسناني

سعيتك ياضحك هالكون ........ طلبتك لاتصير جلمود

وصاتي لك تقهويها ........ من دلالي و فنجالي

تراها تعشق السمرا ........ ويكفيها دخون العود

وصاتي لك تركبها ........ على خيلي و على حصاني

وربي فارسة من قلب ........ شهادة ماهي لشهود

وصاتي لك تسفرها ........ بلاد الشام و لبناني

ترى يحلالها تقطف ورده ........ وردة من بلد الورود

وصاتي لك تراقصها ........ على الحان رحباني

ترى فيها عرق خالة ........ وفيها من جنون السود

وصاتي لك تحببها ........ فأبونورة بعد هاني

وتنسيها ندم غلطة ........ انا فيها ترى المقصود

وصاتي لك تكرهها ........ في تاريخي و عنواني

أبيها تلعن اللحظة ........ وتلعن كل فرح موعود

وصاتي لك تكلمها ........ عن المجني وعن الجاني

وتخليني انا الظالم ........ وانا من حرق الاخدود

وصاتي لك تشبهني ........ بدم أحمر قاني

وانا هالقاتل السفاح ........ مجرم من عصر نمرود

وصاتي لك تحلفها ........ تتوب تحبني ثاني

ترى يكفيها ماعانت ........ ويكفي حيلها مهدود

وصاتي لك تنسيها ........ وصية قالها لساني

أنا اخبرك رجل موقف ........ وانت قدها وقدود

صديقي مالقيت غيرك ........ يعرف وشلون تنساني

أمانه ضمها بقلبك ........ ترى خالد....رحل مايعود

مما راق لي

من طرف **صمتي جرحني** الجمعة أكتوبر 10, 2008 7:56 am

يآآآآآآآآآآآآآآآي

جنآآآآآآآآآآآآآن ورررررربي ررهييييبهـ

آآللهـ يرحمهـ ويغفر لهـ

يسلموو خيوو

كل آآلود

من طرف يجرحني زعلها الجمعة أكتوبر 10, 2008 8:31 am

كلج ذوق خيتي يالغاليه

وتسلمي على المرور العطر

يسلمو على الشعر

من طرف يجرحني زعلها الجمعة أكتوبر 10, 2008 12:23 pm

يسلمج ربي مجروحه
ومنوره بمرورج

من طرف طموح إنسانه الجمعة أكتوبر 10, 2008 12:56 pm

تراها تذرف الدمعه ........ ودمعتها بليٌا حدود

وصاتي لك تحفظها ........ سور وآيات قرآني

يسلموووووو خيتووو ع الشعر وربي ابداااااااااااع

الله يرحمه

يعطيك العااافية

لكـ تحياتي

من طرف يجرحني زعلها السبت أكتوبر 11, 2008 6:22 am

الله يسلمج طموح

وشرفتي صفحتي برورج

الحب الصادق..

الحب الصادق..

رد: الحب الصادق..

رد: الحب الصادق..

رد: الحب الصادق..

رد: الحب الصادق..

رد: الحب الصادق..

رد: الحب الصادق..